கொசுத் தொல்லையை இயற்க்கை முறையில் கட்டுபடுத்தலாம்

கொசுக்கள் இரவில் தூக்கத்தை கெடுப்பதோடு ஆரோக்கியத்திற்கு எதிரியாகவும் மாறிவிடும். மலேரியா, டெங்கு, சிக்குன்குனியா மற்றும் ஜிகா வைரஸ் போன்ற கொடிய நோய்களை பரப்பவும் செய்யும். சமையல் அறை பொருட்களை கொண்டே வீட்டுக்குள் கொசுக்களின் படை எடுப்பை கட்டுப்படுத்திவிடலாம்.

வேம்பு: வேப்ப எண்ணெய்யின் வாசம் கொசுக்களுக்கு ஒத்துக்கொள்ளாது. தேங்காய் எண்ணெய் மற்றும் வேப்ப எண்ணெய்யை சம அளவு கலந்து கை, கால்களில் தேய்க்கலாம். இந்த எண்ணெய்யின் வாசம் எட்டு மணி நேரம் வரை நீடிக்கும். கொசுக்கள் உடலை நெருங்காது. வீட்டின் ஜன்னல், கதவுகளில் வேப்ப எண்ணெய் தெளிக்கலாம். கொசுக்கள் ஓட்டம் பிடித்துவிடும்.

லெமன் கிராஸ்: லெமன் கிராஸ் செடியையும், அதன் சாறையும் கொசுக்களை விரட்டும் மருந்தாக பயன்படுத்தலாம். இது பெரும்பாலும் கொசு விரட்டி சுருள்கள், திரவங் களில் பயன்படுத்தப்படுகிறது. இருப்பினும் கர்ப்பிணி பெண்கள், தாய்ப்பாலூட்டும் தாய்மார்கள் லெமன்கிராஸின் வாசத்தை தவிர்ப்பது நல்லது. ஏனெனில் இது குழந்தைகளின் ஆரோக் கியத்திற்கு ஏற்றதல்ல.